林峯、佘詩曼、吳卓羲及廖碧兒前晚到馬來西亞出席服裝品牌活動，林峯巧遇曾傳緋聞的新加坡女演員謝韵儀，並主動介紹她說：「呢位係我女友。」佘詩曼則否認早前與無綫高層陳志雲及樂易玲的飯局是為爭獎，並表示十月會再約飯局。
佘詩曼、林峯、吳卓羲及廖碧兒，前晚在馬來西亞的文華東方酒店出席Bonia服飾發表會，同場還有來自新加坡及印尼等地的藝人。林峯巧遇年前拍攝劇集《YummyYummy》時曾傳緋聞的新加坡演員謝韵儀，還主動介紹給香港記者認識說：「呢位係我女友。」謝韵儀禮貌地笑着打招呼，二人更大方合照。林峯因被拍得與謝韵儀結伴夜蒲而傳緋聞，他前晚解釋說：「都唔係傳乜嘢緋聞，嗰次去玩，佢男友都喺度，我哋好耐冇見啦。」
賺快錢話咁易
活動上，司儀以普通話訪問藝人近況，廖碧兒以英語回答，其餘三人則說廣東話，後來有大馬傳媒問他們在無綫台慶夜的得獎信心，阿佘代表答：「信心一定要有，攞唔攞到就唔知，盡力而為啦。」其後阿佘接受訪問時表示今次收六位數字酬勞相當滿意，她說：「飛嚟多幾次都冇所謂。」她被問到早前與無綫高層樂易玲及陳志雲的飯局，被指是爭獎飯局，阿佘說：「我有一日遇見佢哋，佢哋讚我做《鳳凰四重奏》做得好，我問有乜獎，樂小姐就話不如食飯。」
問阿佘席間有否傾獎？她說：「𠵱家先九月，十月再食多次啦。其實做得好就會讚，唔只我一個，我同佢哋食飯都唔係唯一嘅一個，都冇提過獎項，唔係話食飯就有獎攞㗎。」
阿佘又解釋因尺碼不合，才沒有穿着大會品牌服飾出現。
採訪、攝影：卓寶花
