林保怡、黎姿、鄧萃雯和陳豪主演的劇集《金枝慾孽》正在內地播映，前晚四人到上海科技館出席「蕾蒙威30周年慶典酒會」，卻換來一肚子氣。保怡不滿大會安排失當，累他被指遲到而發火，埋怨「急尿想去廁所都唔得」，還倒米直言情願買車也不花70萬元買瑞士蕾蒙威（RaymondWeil）手錶。
林保怡、黎姿、鄧萃雯和陳豪前晚八時許抵達會場，但大會卻安排記者於六時到場呆等，內地記者一度鼓譟，直至演員抵達後，儀式才於約九時開始。不諳普通話的陳豪跟司儀對話時，不停鬧笑話，原本想說雯女是事業女性，卻說成「適應性」；想讚保怡細心，卻說成「私心」，全場捧腹也難擋暗湧，後來他們獲贈手錶時，司儀竟說：「你們沒有白來。」鄧萃雯等只好微笑，事後她說：「唔尷尬，為工作嚟，佢講乜我都會笑。」
陳豪打圓場
儀式完畢後，演員甫落台即遭內地近20名記者圍攻，問他們為何遲到，陳豪為息事寧人，便搶着解釋因班機延誤，又打圓場謂要請記者吃飯，着記者不要生氣，後來他接受香港記者訪問時說：「大家開心冇所謂啦，我解釋咗，啲內地記者應該明白。」問他怕不怕被誤會扮大牌？他說：「唔怕，大家都唔想。」
相反林保怡卻一肚子氣，他說：「冇遲，今日件事我哋變咗砧板上一嚿肉，我哋不嬲好準時，本來遲大到喺內地唔係一件特別事，都唔係第一次發生，有啲嘢唔解釋得咁多，但畀我等兩個鐘，我都嬲啦。」保怡又謂不擔心被指扮大牌，他說：「今次好無辜，希望下次安排好啲啦。」怕不怕被封殺？保怡笑說：「唔怕，《金枝慾孽》咁紅。」未幾，保怡竟指着大會提供給他示範的瑞士名牌蕾蒙威（RaymondWeil）手錶說：「呢隻錶幾犀利，畀錢買要70萬，我就唔捨得買，70萬情願買架車，畀我買到幾架啦。」
然後保怡愈說愈激動，埋怨道：「落機就趕住嚟，急尿想去廁所都唔得，嚟到又話即刻開始，又做訪問又影相，急尿都冇得去呀。」
黎姿惹浪蝶
黎姿則以低胸裝亮相，蕾蒙威三代老闆迎接她時，太子爺PierreBernheim的目光一直跟着黎姿。談到被指遲到，黎姿說：「係意外，班機delay兩個鐘，香港打風呀，都唔想。」前晚除了雯女外，其餘三演員都有影迷在場外等候歡呼，活動結束回酒店後，三人又到酒店咖啡室與影迷會面聊天，當中以黎姿的影迷最多和最熱情，雯女則留在房內休息。
採訪、攝影：林妃
