周汶錡昨日到中環出席泳衣騷，現場有六名模特兒穿性感泳裝行騷，周汶錡則以密實裝束亮相，以嘉賓身份示範身上總值近4萬元的珍珠首飾，地位超然。
「外國已經告得」
近日有指周汶錡獲殼王陳國強3,000萬照顧，她昨日強調並不認識對方，至於被指參觀3,000萬豪宅，她說：「你話啦，我都唔知乜事，又冇我出現，總之有證有據先好講，唔答呢啲。」
不過周汶錡談及其Pianegonda高層男友JulienLepeu時即甜絲絲，又謂男友看到有關她跟殼王酒店夜會的報道也感到十分無聊，她說：「係我解釋畀佢聽，佢話唔明點解香港人會咁，如果喺外國就已經告得。佢都冇唔開心，因為佢知我同邊個食飯，而且入𨋢一定有出有入啦！」
再問周汶錡會否向男友交代行蹤，她即時大反應說：「你會唔會向你屋企人交代你嗰日有冇搭𨋢食飯呀？呢啲唔使解釋。」不過當提到雜誌指殼王送樓給她時，周汶錡即時扯火：「唔好玩啦，如果冇，係咪問番個記者攞層樓呀？」
採訪：駱華齡
攝影：陳順禎
