香港成日話要做國際大都會，咁究竟有冇公司有呢個條件先。評級機構標準普爾噚日發表報告，話全球有三百間中小企有潛質躋身成全球主要藍籌公司，其中十四家為香港公司，包括新創建（659）、合生創展（754）、銀河娛樂（027）、東方海外（316）、廸生創建（113）、創科實業（669）、華潤置地(1109）、冠捷科技（903）、恒安國際（1044）、中國海外（688）、信置（083），以及冇喺香港上市嘅新浪、來寶集團（NobleGroup）及南太電子。
標普話，上述公司都屬於高增長類型，兼具內地及外在增長嘅潛力。睇相佬就呃你十年八年，相信呢啲公司可唔可以變身，幾年內就可以睇到。