大前天是張國榮（哥哥）的生忌，一直視對方為偶像的官恩娜前晚錄影《勁歌金曲》時，除以80年代黑衣飛女look亮相外，更與鄭融及組合EO2大唱哥哥的串燒快歌致敬，眾人合演一場懷舊舞曲，令時光倒流。
官恩娜（Ella）、鄭融、梁漢文、組合EO2和Twins等，前晚齊於將軍澳電視廣播城錄影《勁歌金曲》，由於大前日為一代巨星張國榮的生忌，一班樂壇後輩為向哥哥致敬，在節目中大唱他的名曲。
與友抱頭痛哭
Ella、鄭融和EO2以串燒歌形式，一口氣獻唱哥哥3首快歌《側面》、《Monica》及《無心睡眠》，事後Ella說：「呢套衫有80年代飛女feel，跳起舞好似《油脂》咁，之前都夾定啲衫，為尊重場合，以一身黑色服裝出現。我好鍾意哥哥，佢係我第一個偶像。」她還憶述年前乍聞哥哥死訊時，傷心得與朋友抱頭痛哭，即晚更到卡拉OK狂唱哥哥的歌曲。
梁漢文則透露近日為下月舉行的個唱喼弗，希望練出六嚿腹肌，他說：「有一part啲衫好少布，上下都有啲見到，遮到嘅地方好小，但唔會T-back咁盡。」
此外，鄭融大談同公司的靚仔新人徐政，她說：「佢同我拍新歌MV，徐政好靚仔，係余文樂同郭品超混合體，184cm，拍MV時我着4吋高跟鞋，仲要抬起頭望佢。」
採訪：駱華齡 攝影：陳順禎
