樂基兒近日工作量與是非成正比，日日出動搵真銀。她昨日與四名女模在澳門為名牌LV示範全新07初春季系列，穿上鮮艷橙紅裙，相當嬌俏迷人，在演繹另一件薄針織衫時，更罕有戴bra打底，十分小心。
及後樂基兒又換上一條價值$32,000的黑色低胸裙，陪LV高層為永利澳門酒店ＬＶ新店主持開幕，還扮投錢入老虎機，她謂不怕再走光。
自爆澳門人
原來樂基兒是澳門人，她解釋說：「係呀，我喺澳門出世，但仲係BB時就全家移民咗去美國，之後一直冇機會返澳門，我最鍾意嘅澳門美食就係葡撻，賭錢就唔會喇，因為趕住走。」
近日網上多個藝人被公開地址，樂基兒對此無奈說：「我嘅地址永遠都俾人公開㗎啦，成日都有人跟住我。」可有擔心人身安全？「唔知點答你，我要工作都冇得匿埋啦。」此外，賭王何鴻燊四姨太梁安琪都有捧場。
採訪：李珮洳 攝影：葉君海
