新人吳天瑜日前到蘭桂坊一酒吧，為電影《情意拳拳》拍攝宣傳片。她與一眾女舞蹈員齊齊示範跳舞枚，又笑言自從拍了這套電影之後，不少人以為她是猜枚高手。
影壇新人吳天瑜日前為電影《情意拳拳》拍攝宣傳片，她於三小時內不停跳舞，因為要介紹戲內一種新創的跳舞枚。天瑜表示這種枚的特別之處，是將猜枚及跳舞兩種本來不相關的玩意結合在一起，不過她笑言現實中一定不會在酒吧猜這種枚。
枕胸猜枚叫爽
吳天瑜說：「呢種枚都係因為呢套戲而創作出嚟，如果現實中去酒吧玩就一定唔會猜，如果你去pub玩嗰陣，見到兩個人無啦啦喺度邊跳舞邊猜枚，你一定以為呢兩個人儍咗或者飲醉咗。」
拍攝《情》片後不少人以為吳天瑜是猜枚高手，事實上她只是初哥：「我只係識猜十五二十，有時啲朋友仲嫌我猜得慢，猜猜吓就唔同我玩。不過拍完呢套戲，佢哋個個以為我好勁，其實我嘅猜枚技術仲係咁水皮。最好笑係返到公司，啲同事一見到我就叫我猜兩板先。」
除了跳舞枚，吳天瑜還與一位34D上圍的女演員猜「斷背枚」，她笑說：「叫『斷背枚』係因為兩個男或兩個女一組玩嘅，本來覺得同女仔一組唔會有任何問題，但拍攝後令我既興奮又自卑。同我一齊拍攝嘅演員有34D，企喺佢前面，背部緊貼佢偉大嘅胸部，令我有啲尷尬外，我仲自卑起嚟。不過拍攝得好舒服，好似個大枕頭喺後面咁，好爽！」
夜蒲忌變醉貓
大部份人猜枚都會飲酒，天瑜自言酒量一般，所以每次到夜店消遣，一定會與相熟朋友作伴，更加不會喝醉，她說：「我去夜店玩次次都唔會飲好多，因為我覺得女仔去呢啲地方會有危險，同埋我離開咗自己個位，一定會叫過一杯新嘅飲品，咁樣對自己嘅安全有保障。」
採訪、攝影：
李珮洳
服裝提供：MODELEdePRUDENCE
