以後每個星期五，都會見到呢個新欄目。「任你遊論」的意思就是希望和讀者一起分享旅遊的種種事情，你有問題，歡迎即刻send電郵嚟：[email protected]齊齊討論啦！
Q：本人即將去東京連廣島，主要坐火車，但又不想全程攞住行李，有甚麼方法嗎？
A：最好是善用宅急便，宅急便在日本可真是十分的普遍且極之方便，而網絡更是四通八達兼非常快捷！收費一般會根據行李的大小及目的地遠近而定，反而重量不會計算在收費之內，以一個26"×18"的行李箱為例，由東京送往札幌，價錢大約1,500日圓左右，而且今日送，明日就收到！
在日本，要找有宅急便的地方簡直是輕易而舉，賣手信的地方固之然有，機場火車站酒店小至洗衣店都有！其實如果大家是自由行去日本玩，真的應該好好善用宅急便服務，以我自己為例，有時由東京玩盡南北日本，要我推住十幾廿磅（甚至三十磅）的行李上上落落（大家都知日本好多車站都冇自動電梯！），真是辛苦過做咕喱！所以，好多時我會在出發前一晚將大行李交畀酒店，先送到下一個目的地（例如今日係東京，後日去大阪，我就先送大行李到大阪嘅酒店！），然後自己攞住個輕便的小行李慢慢玩！旅程即刻舒服同輕鬆好多！
記者：李莉