香港人崇洋，又鍾意睇靚女，唔知係咪呢個原因，所以近日熱賣嘅翔龍灣，都搵環球小姐JenniferHawkins賣廣告。不過，相信恒地勢估唔到今次捉錯路，原來呢個廣告唔係咁受歡迎。在《香港討論區》，網友daiichi說︰「對個樓盤十分之反感，一睌播十次八次，你有錢撒都係希望有正面feedback，我一聽個廣告音樂就想轉台。」
賣唔出搵Jennifer算賬
stbert笑言︰「唔出動Jennifer，你會信係高價嘢？…」講到呢點，大家都有很大反應。mtkan回應︰「搵個missuniverse來賣廣告，以為就會變咗世界級住宅…幾好笑…買個啲9成咪又係香港人…」stbert補充︰「係呀，佢話『國際級海濱豪宅』㖭！五百幾呎嘅豪宅，我都係第一次聽。」而風趣嘅iso9000就更加提議︰「個盤咁正，點解環球小姐唔圈番兩層嚟送禮自奉呢？」
另外，在《Unwantsforum》上，網友dk_family開價260萬，自讓1座中高層500方呎單位，結果惹來唔少聲音。EDWIN大潑冷水︰「咁嘅價，你賣唔到啦…周街都係貨…發展商長賣長有…翔龍灣有海景最多值4千幾蚊呎，無海景3千幾…講真5千幾蚊呎都唔洗買土瓜灣啦…常理都諗到啦……」mch411更抵死話︰「叫環球小姐幫你接貨啦！」
hitrate指數：2204次