黎淑賢噚日喺清水灣片廠，參與有份演出嘅亞視處境劇《大城小故事》拜神儀式。身穿背心嘅黎淑賢右手手臂出現明顯瘀傷，佢話係喺屋企收衫嗰陣，唔小心撞到隻窗個門骹喎。問佢做乜唔請工人處理家頭細務？黎淑賢話：「今時唔同往日，𠵱家一個人住，唔需要工人啦。」再問佢前夫盧惠光有冇畀贍養費，佢就話私人問題，唔答。