香港多食肉獸，難怪扒房愈開愈多，好唔好味當然先睇牛扒本身級數，不過我覺得煮法同煮幾成熟都會直接影響口感，所以見討論區有網友Post咗個「牛扒幾成熟最正」投票選舉，我自己都投埋一份。結果係34%網友撐7成熟，28%網友撐5成熟，15%網友撐5成熟。結果有啲意外，仲估大部份港人接受唔到太生嘅牛扒㖭。網友totoro11話︰「比（俾）人話我唔識貨都係咁話架（㗎）啦~9成~~因為我唔食生嘢!!」好多時去餐廳做訪問，好多大廚都表示港人通常怕生，會食8至9成熟，仲話牛扒最好食就係5至6成，亦見過有客人Order3成熟，睇嚟香港人轉咗口味，牛扒愈食愈生喎。
網址︰ http://www.uwants.com/viewthread.php?tid=920288&extra=page%3D1