講到出卡通人物信用卡之多，大新認咗第二，睇怕都冇人敢認第一；而佢哋最犀利嘅，就梗係粉絲多多嘅HelloKitty！噚日佢哋又出動殺手鐧做餌，推出半透明信用卡；仲話每收到一份申請表，佢哋都會捐出善款畀世界宣明會。大新產品及市務部主管陳偉思（右），仲即場拉住SANRIO及宣明會高層合照，但講到吸引力，梗唔及企埋一齊嘅吉蒂貓啦！