【本報訊】有手機用戶日前被追收一筆長途電話費用，經細查後，才得悉手機轉駁「未接來電」至其家中時，因沒加上香港區號「852」，來電會被轉駁至「001」長途電話系統，而其家居電話號碼2418xxxx頭三個號碼「241」剛好是非洲國家加蓬的國家編號，電話尾5個號碼「8xxxx」在加蓬又有登記，故須枉交高昂長途電話。 記者：連小玲
讀者黃先生表示，他於6月底將手機轉台至新世界傳動網，其間從未致電海外，但8月初他突收到新世界傳動網寄來短訊，向他收取1,161元長途電話收費，令他大吃一驚。他再細閱賬單，發現7月3日有兩項不尋常通話。於當日的17時10分及17時11分，均分別曾將來電轉駁至加蓬，賬單顯示曾分別通話達30.1分鐘及28.9分鐘，收費為499.36元及479.45元。「兩個call前後只係差一分鐘，點解可以同時講成30分鐘同埋29分鐘？而且我的朋友搵唔到我，個電話飛咗去非洲，佢哋又唔識講非洲話，點會講成半個鐘電話呀？」
新世界傳動網跟進後表示，該公司相信，黃先生在手機設定「未接來電」轉駁返家時，可能因「㩒錯咗」，令未接來電通話轉駁至「+2418xxxx」，而非「+8522418xxxx」，而「241」剛好是加蓬的國家編號，令他未有接聽的來電變成長途電話，被轉駁至加蓬。因非該公司出錯，黃先生仍須繳付長途電話費。
恍如三人會議
至於何以賬單顯示當日的17時10分及17時11分均曾分別通話達30.1分鐘及28.9分鐘，發言人料是因黃先生的朋友當日第一次以固網電話致電予黃先生時，未能完全掛線，通話跳至第2線後其朋友又再打出電話予黃先生，變成恍如「三人會議」的通話，致出現相差一分鐘，但同時分別有30.1分鐘及28.9分鐘。
有電訊業業內人士表示，上述個案是眾多巧合加在一起才會發生，可謂非常特殊的個別事件。此外，若賬單顯示兩項通話僅相隔一分鐘，多是三人會議的通話。她稱：「兩個call的時間分別為30.1同28.9分鐘，真係好似係三人會議。但係亦可能係第一個來電冇好好收線，hold住咗，然後又有第二條線入，但係咁樣的機會仲微。而且唔識非洲話又點講到咁耐？因為純粹打錯電話，冇理由會仲講咁耐，所以件事都幾古怪。而且用戶好難防範，惟有乜都小心啲，check多啲同望多幾眼。」