嚟緊九月尾，《生死格鬥》電影版終於喺香港上畫，有網民上外國網睇過啲造型同劇照，簡直嚇個半死，再喺討論區度同大家分享，即時引嚟Fans「熱烈」歡迎！
眾所周知，《生死格鬥》喺Game界最出位嘅，首每一集嘅女角均會進化，由多邊形數量、服飾到露肉程度，甚至胸部搖晃程度等，每每都成機迷間嘅話題，就算其格鬥系統做得幾有心思、幾平衡都好，風頭總被眾女角蓋過！可惜拍成電影版後認真嚇人，Tina、Ayane都還好啲，搵番身材咁上下嘅鬼妹都尚算OK，不過兩個日本角色就唔係咁好彩喇，Kasumi由《狂野極速2》嗰位粉紅戰車車主DevonAoki飾演，就最惹網民反感，扁口扁面兼老氣橫秋，將Kasumi嘅純真、堅毅形象打個稀巴爛！
Ayane一頭紫髮更係肉酸到離譜，仲衰過港產《風雲》入面嘅步驚雲！有啲網友睇過預告片，更形容係「硬照算係咁㗎喇，預告片仲嚇人！」，問你死未？
http://forum1.gamer.com.tw/C.php?bsn=60282&snA=7890&locked=F&tnum=14&subbsn=0&Bpage=1