近排韓國男歌手個個都好似Rain咁露肉成狂，曾經叱咤一時嘅god成員孫浩英都要走上露肉男之路，前日佢出席首張個人大碟《YES》嘅發賣紀念活動時表示，為咗隻新碟賣得，早前猛咁做運動谷肌肉，希望fans睇到佢喺台上充滿魅力嘅演出。當日司儀即時鹹豬手揭開西裝褸睇吓佢啲胸肌，當眾露點嘅孫浩英只好尷尬咁苦笑，𠵱家做歌手真係唔易。