近年樓市不景，通街都是一手、二手盤，買家在「唔憂買」的情況下，自然有議價本錢。相反，餓市多時的地產代理就處於「捱打」狀態，無論願意或不願意，都要使出「減佣」，甚至「現金回贈」招數，以取悅買家，促成生意。
然而，在網上討論區卻有不少代理埋怨此舉對他們不公平，不應助長。有位匿名的網友直斥︰「你哋啲客，買一手樓已經唔使畀經紀佣金，仲要拎埋經紀份人工，真係不知所謂。你哋見經紀袋佣金就眼紅，經紀做嘢辛苦你唔知啫，有幾可有一手樓盤做吖……開大盤，你估個個做到㗎？好多經紀落地盤，企足一個月都係食白果咋。」
剋扣辛苦錢冇陰功
候選編號001也認為︰「人哋係辛苦錢，你做咩要減人哋人工呢。」
B囡即反問各位買家︰「你老細同你講出少啲糧得唔得吖？人哋都係搵餐飯食啫，你估個agent真係收晒你嗰1%佣落袋咩，都係袋得你嗰1%入面嘅10%，仲可能要同人分，咬開真係血汗錢嚟㗎。」
資料來源︰香港地產城討論板、yahoo知識