尹恩惠嘅第二齣韓劇《葡萄園的那個男人》前晚經已播出大結局，佢同男主角吳萬錫喺齣戲入面唔止有個happyending，就連收視都有唔錯嘅成績，以15.6%嘅全劇最高收視埋單，比首播時收視足足高出一倍，總算飲得杯落。套劇主要觀眾係十幾歲少男少女，大家睇完之後都猛咁留言話唔捨得同尹恩惠分開，希望佢快啲演出《宮》續集喎。