葉璇早前到美國一間酒樓登台，同場還有曾傳與她不和的麥家琪，有指葉璇因頻走音兼甩嘴而遭柴台，令她當場落淚。昨日葉璇穿低胸裝出席高爾夫球活動時表示，當日因見到故友而激動得哭了，非因被喝倒采所致。
葉璇、任達華、鄧光榮、洪天明及車婉婉等，昨日齊到城市高爾夫球會出席宣傳活動，雖然明知要落場一展球技，但葉璇仍穿低胸裙上陣，每彎腰打球時豐滿身材即盡顯人前。
與麥家琪同場
日前葉璇到美國紐約金橋大酒樓演唱，同場演出的還有曾傳與她不和的麥家琪。有報道指葉璇因表現失準，遭觀眾喝倒采，令她當場落淚，更有指該酒樓原本想找劇集《情陷夜中環2》兩位女角張文慈夥拍麥家琪上陣，但當葉璇得悉後即主動降價演出。昨日葉璇承認演出期間曾哭過，但卻是另一個版本：「嗰晚係因為見到一啲認識嘅朋友，所以好激動，一時忍唔住就喊咗出嚟，並唔係因為其他原因。」
坐客貨兩用機
此外，任達華日前從北京乘搭國泰航機返港時遇上不快事，他說：「我俾人安排坐嘅地方係同埋啲貨物一齊，不過送餐嗰啲服務一樣有，但我當時好攰，所以就叫佢哋唔好騷擾我，但返到香港之後，我有打過去國泰投訴，唔明點解我會坐咗架客貨兩用機，但到𠵱家仲未有回覆。」
至於洪金寶前晚則獨自到灣仔會展出席電影《絕望真相》（AnInconvenientTruth）首映，問他何解不與天明同來？他笑道：「頭家一早散晒啦！」他解釋謂乖女早前做完暑期實習工後，向雙親大吐苦水，又表示自己社交圈子窄，沒交上男朋友，故他便着太太高麗虹到美國陪伴女兒。
採訪：葉雪
