近日是非纏身的樂基兒，繼早前走光露出乳暈蝴蝶紋身後，又被踢爆搬返黎明大宅居住。昨日她在金鐘示範低胸裝時交叉手掩胸防再露點，問她覺得黎明是否理想丈夫，她甜絲絲說：「Maybe啦！」
樂基兒昨日在金鐘太古廣場為「Topoftheworld」活動行騷，示範三套意國名牌EmporioArmani的新裝。心情大好的她，不時鬼馬地追着記者玩。
有報道指樂基兒明年嫁黎明，記者昨日向她求證，初時她顧左右而言他，其後便否認婚訊說：「唔係呀，我唔知點解有咁嘅傳聞，我冇睇雜誌，不過LisaS.有問我。」
視為理想丈夫
問樂基兒覺得黎明是否理想丈夫？她甜到漏說：「It'sok，maybe啦！」問到可有計劃結婚？她說：「呢啲係將來嘅事，結婚要啱timing先得。」莫非二人已在美國註冊？她發嬌嗔說「冇呀！」
問到會否生BB，樂基兒說：「總有一日會，不過𠵱家係完全未準備好。」黎明可有求婚？她回應說：「都冇求婚，邊有結婚計劃？」至於有指她的黑色MiniCooper是黎明送的定情禮物，她解釋說：「唔係呀，係我自己儲錢買㗎！」
交叉雙手護胸
樂基兒早前接受電視台訪問，不慎露出乳暈蝴蝶紋身，昨日她引以為戒，做訪問時不時交叉雙手護胸。問她黎明喜歡她的紋身嗎？她面露尷尬說：「呢啲係身體嘅問題，我唔會答㗎，上次我唔係刻意走光，係意外，大家唔好再討論啦，好嗎？」
昨日樂基兒為活動假裝申請信用卡，又笑謂會叫男友申請，她透露年輕時有一兩張信用卡，更因信用額太低而碌爆卡。
採訪：顏英儀
攝影：陳慧安
