今年25歲嘅男星金來沅過往演出嘅韓劇大多以陽光男孩形象示人，但佢喺新片《向日葵》入面就嚟個大變身，喺日前公開嘅海報中赤膊上身兼大晒紋身，當堂man咗好多。不過佢嘅角色就悲慘咗啲，既要坐監又要被黑幫追殺，只希望人生仍然存在一絲希望。電影至今已經拍咗超過九成，預計會喺今年11月當地上映。