無綫購入咗熱爆歐美嘅遊戲節目《DealorNoDeal》，現改名為《一擲千金》，原本安排由森美主持，不過有指因為商台向無綫要求加森美騷錢，最後無綫決定飛起佢。噚日無綫高層陳志雲解釋話森美唔做係因為檔期問題，無綫正打算再開另一個節目畀森美主持。加上《一》係向荷蘭買版權，對方要求無綫搵主持拍個試版寄去，但森美就連個試版都冇時間拍，所以搵馮德倫同許冠文嚟拍。
