當法國前球王施丹同馬特拉斯喺世界盃決賽「口頭爭議」逐漸過去之際，最識出風頭嘅國際足協會長白禮達周一話正努力令雙方和解，辦法係等施丹去南非羅賓島做社會服務嗰陣，安排馬特拉斯同施丹見面。求大俠覺得呢個白禮達真識攞威，事件發生唔見佢出聲，到𠵱家先扮做「大人」安排雙方和好，咩居心先？