由美返港後，巴菲陳急不及待要和我暢論港股後市，似乎是飛了美國幾天，要趁機向我惡補股海功課。星俠認為，大市整體氣氛尚可，只是成交在股份縮窄買賣差價後，似乎與恒指仍企17000點以上水平有點不相稱。不信的話，隨便闖入某間證券行找個經紀問問，就知箇中成交大不如前之慘狀。
豈料巴菲陳不同意星俠之見解，還強調自己幫襯的那位華資大行經紀，剛決定請幾位散戶去黃山旅行。若然經紀「搵唔到食」，又怎會有錢請所屬的散戶去玩呢？以巴菲陳之買賣頻繁，乃「散戶中之大戶」，好明顯亦有份隨團去旅行。據星俠所知，一般經紀佣金大賺，頂多是請客食飯，私人拉隊請去旅行真係未曾聽聞！今年港股交投暢旺，的確造就一些超級經紀賺大錢。
股價起動 上車趁早
巴菲陳講起今趟赴美後，強調要買吉利汽車(175)，因最近吉利曾派代表參加於北美舉行的車展，不少「鬼佬」都讚不絕口，認為車款比韓國車更討好，個個都話「GEELY、GEELY！」(吉利英文名)，令巴菲陳亦刮目相看，故此返港後即奔走相告。吉利今年首8個月汽車總銷量按年上升48%，約11.3萬輛，已達06年全年銷售18萬輛目標之63%。股價已起動，上車，要趁早。
方星俠