消費blog:中秋節小朋友有好去處

消費blog:中秋節小朋友有好去處

仲有唔夠一個月就係中秋節,正所謂每逢佳節倍思親,噚日突然諗起好幾個月冇見嘅表姐同埋6歲姪仔。自從佢哋搬咗入屯門後就比較少見面,好想見吓佢哋。同佢傾咗半個鐘頭電話,我問佢中秋會唔會去旅行,佢話暑假先去過泰國,所以會留喺香港過節。佢知我係八通街,梗會知中秋前後邊度有嘢玩,但一定要啱佢仔仔。
一時間我又諗唔起有咩好提議,所以即刻打畀屯門嘅商場公關朋友,其中負責屯門市廣場嘅友人就介紹話,商場首創嘅探索遊戲空間「i-kidz遊戲平台」會喺下月個四號晚上推出「中秋迎月遊戲夜」活動,屆時除咗會有巨型許願樹同夜光滑梯俾小朋友玩外,一系列應節遊戲好似自製彩色花燈、月夜迷城亦會喺當晚出現,務求畀小朋友能突破傳統、玩一啲創新嘅中秋節遊戲。
不過要入場,先要喺嗰度購物至少100蚊,先可以換入場券。我同表姐講買嘢就包喺我身上,至於嗰晚我就唔能夠陪佢去,因為我咁靚女,自然佳人有約,真係唔好意思!q\^.^/p
逄周一至周四刊出