懷孕四個月的劉曉彤前晚跟好友湯盈盈結伴往灣仔會展欣賞首映。盈盈眼見好友懷孕如此幸福，也有衝動想生BB，不過問到她可考慮當劉曉彤BB的契媽時，她謂因害怕BB叫她auntie而推辭。
明天上映的電影《穿PRADA的惡魔》（TheDevilWearsPrada）由好戲之人梅麗史翠普（MerylStreep）和安妮夏菲慧（AnneHathaway）主演，講述惡魔上司如何糟質下屬，由於劇情吸引，所以此片前晚在灣仔會展舉行首映禮時，吸引不少圈中人捧場，包括懷孕四個月的劉曉彤、湯盈盈、蕭定一及他的公司新人石詠莉等，袁彌明身穿tubedress到場，性感搶鏡。
未知BB性別
問到腹大便便的劉曉彤可知BB的性別？她笑說：「暫時唔照住，遲啲先啦。」跟她結伴到來的湯盈盈見好友如此開心幸福，不諱言也有衝動生BB，身旁的劉曉彤即說：「因為佢係巨蟹座，呢類人想有自己嘅family。」問劉曉彤可會邀請好友湯盈盈做BB的契媽？她即耍手擰頭拒絕，湯盈盈則笑說：「都係唔好喇，身邊個個朋友啲仔女都係叫我姐姐，如果叫auntie就叫老晒，唔好啦！」
早前李璨琛在宣傳無綫節目《遊戲天王》時，表示跟蕭定一約滿後心情愉快，還表示終於捱過這一年，蕭定一前晚被問及此事時說：「我已經將股份賣咗畀漢傳媒，佢哋幾位藝人包括李璨琛都一併賣咗，所以唔關我事。」
蕭定一捧新女
之後蕭定一便介紹他新簽約、年僅19歲的女模特兒石詠莉（Sukie），問他如何發掘對方？蕭定一說：「喺雜誌見到佢，加上『變靚啲』要搵個housemodel，藝人嘅酬勞又比較貴，所以就簽咗佢八年，遲啲會安排佢拍電視劇。」
採訪：張俊銘 攝影：陳志嵐
