生性好動的劉孔斌，滿以為可好好享受退休生活，豈料兩年多前，卻發現罹患肌肉萎縮症，四肢日漸無力，不能自我照顧，遑論重嘗昔日「通山走」的樂趣。
剛滿60歲的劉孔斌，乍看精神飽滿，體格亦算魁梧，但四肢已經變形。退休前為職業司機的他說：「我好好動，唔煙唔酒，淨係鍾意通山走，三十幾年嚟每朝都緩步跑一個鐘。點知喺2004年中，有日跑步時突然雙腳冇力，失平衡跌倒。」
這次意外原來是惡疾病發。「醫生證實我患咗肌肉萎縮症，呢個病冇得醫，當時仲估計我最多四至五年就會全身癱瘓。」
被困家中感到難受
劉伯從此要與病魔搏鬥：「我每日都會踏單車同拉繩一個鐘，好辛苦，但都不斷惡化。最初淨係右邊手腳冇力，三、四個月前蔓延到左邊，連夾餸、沖涼都唔得。我咁大隻，老婆都唔夠力扶我出街。成世人坐唔定，臨老要困喺屋企真係慘！所以好想有部電動輪椅，可以落街去吓公園。」
醫管局復康專科及資源中心職業治療師黃姑娘說：「劉孔斌患『甘迺廸綜合症』，係神經退化疾病，通常中年發病，原因未明同冇藥醫，只能靠復康運動減低衰退。因為佢對手比對腳更冇力，用唔到手動輪椅，但電動輪椅就可以憑指力操作，唔使無時無刻依賴太太都出到街，增加獨立能力，對心境同生活都好有幫助。」
蘋果日報慈善基金電動輪椅專戶捐出35,135元，供劉伯購買電動輪椅及輔助器材。
劉孔斌捐款編號：C2154
電動輪椅專戶捐款編號：C0550