醒你揀榴槤秘訣

醒你揀榴槤秘訣

到底有幾多人鍾意食榴槤?呢個話題無錯係好悶,但每年榴槤當造一樣有大把人講。有網友做咗個調查,投票題目係「大家鍾唔鍾意食榴槤」,答案係一半一半,揀「十分鍾意」有37%,揀「想嘔」有35%,揀「鍾意」同「麻麻地(哋)」分別有11%同15%,投票結果好正常。網友guitar_gami話︰「以前成日食,但唔知屋企人唔識買定點,食襯(親)都好難食,而(𠵱)家無信心再食。如果有人識揀,我會食㗎!」咁到底點揀靚榴槤?記住3點︰一,要揀連住果柄嘅榴槤;二,釘夠硬代表新鮮;三,勿貪重手,輕嘅榴槤核會細啲即係肉多啲。另外,未開口未成熟嘅榴槤會有股青草味,熟到透裂口嘅榴槤有酒精味,即係變咗質,咪買。

網址︰ http://www9.discuss.com.hk/viewthread.php?tid=2095504&extra=page%3D1