腦科醫生黃震遐指出，撞車致腦部受創的傷者是否適宜運返港醫治，主要考慮傷者的「急症期」，即撞車後短期內病情會否出現急劇變化，包括腦出血、腦水腫、呼吸困難及血壓不穩定等因素。
黃震遐續說，留院一個月，傷者病情已屬穩定。「醫咗一個月，血腫、水腫都穩定晒，院方要做嘅嘢都做晒。喺香港都一樣，同類病人一個月左右都要轉番去普通病房，等佢慢慢康復同埋長期照顧。所以一般嚟講，一個月後都適宜搬運。若有呼吸機，亦都可以帶埋呼吸機運走。」
黃震遐指康復進度要視乎傷者腦部受損情況，以及受傷後首12個月的康復進展。「最初12個月係最大程度進步嘅時期，尤以首3個月康復進展最快。」