「𠵱家仲興唔興講公德心？」網友GuguLag昨日在網站beautyexchange.com.hk的「吹水廣場」中稱：「我見𠵱家啲人愈嚟愈冇公德心，一入女廁就知道香港人有幾多公德心……睇到在馬桶旁的小垃圾桶入面有好多打開加有血嘅M巾（衞生巾），真係超級惡心！」
她又說：「𠵱家啲人唔會將條M巾捲埋佢先至丟嗎？攤開條血巾又唔衞生，又搞到個廁格一陣味，捲埋佢又唔會整污糟自己，點解啲人咁冇家教㗎＞＜？」
家庭醫生關嘉美昨說：「假如M巾上有血，血係細菌繁殖嘅溫床，如果就咁四圍揼，清潔阿嬸又嚟唔切清理嘅話，細菌滋長咪會發出臭味咯，尤其天熱、潮濕嘅地方，情況就會更嚴重。就好似吐痰咁之嘛，你唔會周圍吐痰令到細菌周圍飛㗎嘛，呢啲係小學生都識嘅公德嚟㗎嘛，係咪？」
關嘉美指出，有公德心和正確的做法，係將用過啲M巾，放入拆咗落嚟嘅新M巾包裝膠袋內，「唔好揼落廁所喎，應該放喺馬桶隔籬個桶度，咁樣人哋就唔會接觸到啦！」