有朋友Sent條Link畀我，話一定要Click入去睇吓一對外國夫婦，點樣為咗爭車揸而打崩頭，嗰陣我仲以為係堅嘅，點知呢條由網友mooncat56放上網嘅短片，原來只係Toyota嘅廣告片；片段初時影住一部泊喺屋外嘅車，接着老婆扎醒靜靜雞去沖涼，點知浴盆有人放個插住電掣嘅風筒喺度，一開水就電到佢飛咗出浴室兼變咗爆炸頭，老公探頭出窗望吓部車，點知隻窗又突然間跌落嚟整親條頸，跟住兩個又出盡法寶，務求撇甩對方揸走部車，最後老公竟用到「謀殺老婆放火燒屋」呢招，但老婆喺屋企爆炸之後，飛到去個車頂到，死握住部車唔放，從而宣揚呢部車係幾咁受歡迎。
短片已有超過994,566次嘅HitRate，超過157個回覆，網友st176話：「呢條廣告的確好，但希望我太太唔會咁對我。」AmusingYeti則說：「好出色，好少廣告可以令我開懷大笑！」我都好認同佢哋所講嘅說話，但呢個廣告會唔會真係暴力咗啲呢？
記者：鄭達基
短片網址： http://www.metacafe.com/watch/85169/toyota_competition/