梁漢文昨日到商台接受訪問，日前他被拍到和女友Karen選購婚宴戰衣，令人揣測他好事近，不過他昨日否認婚訊，還澄清當日只是選購赴朋友婚宴的服飾。
順便睇婚紗禮服
記者指郭晉安也曾用此招隱瞞婚事，梁漢文即說：「乜佢用咗呢條橋咩？嗰日我只係睇去飲嘅禮服，當然都有順帶望一望啲婚紗禮服，但係就冇買到。」
梁漢文強調現時忙於籌備演唱會，但他承認有結婚計劃，但未決定日期，也未求婚，他笑說：「總之到時大家一定會知，我鍾意大家開心。」
對於Karen被指受老友徐濠縈影響而變成名牌奴隸，梁漢文力撐女友說：「買衫啫，一啲都唔係壞，個個女仔都鍾意買衫，好正常。」
採訪、攝影：駱華齡