環保電影《絕望真相》（AnInconvenientTruth）噚晚喺會展首映，有好多國際級顯要人物出現，包括現時積極推動環保嘅美國前副總統戈爾、高官廖秀冬同羅范椒芬、大姐張敏儀、藝人洪金寶、趙雅芝以及「地球之友」總幹事吳方笑薇等等。
吳太同八方講，煲呔噚日同佢傾咗一啲幾實際嘅環保嘢，包括將藍天行動升到國際層面、推動人對環保嘅醒覺性、鼓勵推動走向綠色責任投資，以及要把握深入資訊數據等，不過講到將呢啲項目納入最新施政報告，煲呔就顧左右而言他；方太覺得佢避重就輕，係政治家口脗。終於有人形容煲呔係政治家嘞，到底大家應當呢個係「真相」定應該「絕望」呢？
八方噚日喺會展見到張敏儀，所以順便問佢陳方安生有冇搵佢加入政制研究核心小組，佢只答：「呢個問題唔好喺度講。」
