受網友攻擊連續停版四日的高登討論區，昨日下午終於成功修復並重新「開張」。
高登網站的一名負責人表示，他們會加強網上監察和巡邏，但不會追究肇事者的責任，「由於我哋錯過咗噚晚十點至今日凌晨兩點呢段最多網友上嚟嘅時段，所以帖子相對會少啲。估計今晚夜啲會有多啲網友上返嚟。」
負責人續稱：「我哋都有搞事嗰個人登入嘅ip，但唔會追究任何責任。不過，如果有用戶報警，警方又問我哋攞資料嘅話，我哋就會向警方提供部份資料，而警方就可能找isp（網絡供應商）幫手，鎖定相關搞事嘅人。」
高登重開後，大批fans立刻找到「吹水」的落腳點。相反，「假高登」網昨日已無法登錄，高登負責人最後呼籲：「我哋真係想為網友提供一個自由言論嘅平台，希望網友唔好攻擊人哋。」