無綫新劇《鳳凰四重奏》一眾演員包括馬德鐘、佘詩曼、姚樂怡及王合喜等，昨日冒着一號風球乘坐遊艇到坪洲的龍母廟祈福，並慶祝該劇平均收視達34點（約219萬人次收看），最高更達37點（約238萬人次收看）。
男主角馬德鐘昨日身穿粉紅色超人衫亮相，形成「激凸」效果，他打趣道：「細個好想扮超人，今次劇中個角色可以扮超人都好開心，不過太過現『袋』，現『袋』超人唔可以咁近睇。」馬德鐘表示對這身打扮不覺尷尬，但要有兩手準備，他笑謂：「要着兩條底褲，思想上要準備，就係唔好亂諗嘢。」至於阿佘則表示沒有留意對方任何特定部位，她說：「成套衫整體都幾襯佢，幾好睇，難得咁高大身材，着起嚟都咁可愛！」採訪、攝影：張俊銘