曾喺本港播放嘅日本動畫《反斗小王子》，入面嬌生慣養但又好儍氣嘅主角邪留丸，曾經迷倒唔少大人細路，帶畀觀眾唔少歡樂。不過，身為原創人嘅日本女性插畫家犬丸鈴，前日下午1時半左右，喺東京武藏野吉祥寺嘅11樓住所跳樓自殺死亡，令fans非常吃驚。犬丸喺遺書入面話自己已經唔能夠工作，相信佢係因為工作壓力而自殺。