方力申、鄭融、鄧麗欣（Stephy）和張敬軒等人，昨日在銅鑼灣出席「星級寵愛音樂會」記者會，在台上呼籲市民不要遺棄動物，眾女歌手們抱着現場的小狗不放，場面搞笑。
「唔慰問先有問題」
早前有報道指方力申和Stephy出席同事生日會後前後腳離開，方力申否認此事說：「前門同後門都一樣，都係隔幾步路，我飲到醉醉哋，細佬帶我去邊度上車就去邊。」他又否認成功冧掂阿嬌。Stephy則表示跟着髮型師離開，她說：「一齊走又話我哋大方，唔一齊走都有得寫啦！」曾被笑指是「力申嫂」的Stephy，表示不會因方力申翻冧阿嬌而呷醋，她說：「點會呀！咁大件事，作為朋友一定要關心，如果唔慰問先有問題。」
另外，曾在愛護動物協會當義工的鄭融，家有11歲的愛犬，她說：「佢都咁大年紀，都怕佢有一日離開我，𠵱家我每日都帶佢落街玩吓。」
採訪：王連連
攝影：陳順禎
