「賭波買半/一盤必死」，相信很多喜歡賭讓球盤嘅波友，都聽過坊間嘅專家或者身邊嘅朋友咁樣說過，但查實又是否可信呢？
上周末大力推介保頓，結果當大部份人也睇淡，包括馬會莊家（開個半/一盤好以好鬼）、收費台班專家同身邊嘅同事，認為「讓半一」九死一生；結果靠史必補時最後一分鐘入波，單W1.57倍又收錢；去到賽馬日，推介「利是鋒」，一百三十幾匹出賽馬，竟然喺排位後第一隻退出馬，咁準？結果大摩全日食白果，好險！
周日半一盤7勝2負
說回足球博彩，相信好多人都聽過，買半一盤，「贏就半格，輸就十足」，博下盤着數；老實說，我上個禮拜寫保頓時，都唔知足智彩嘅操盤手會開讓球主客和，定係讓球；不過大部份人都估錯，結果僅勝一球，單W有近六成回報，而博上盤者收半格低水，約四成多回報。其實有時唔應該太專注班開盤手玩乜花樣，最重要係知道莊家驚乜嘢，例如澳彩部份賽事唔開亞洲盤就係一個最佳例子。
翻查澳彩禮拜日開出主要聯賽嘅讓球半一盤，結果買上盤竟錄得7勝2負，仲係成個盤食晒，勝出兩球以上包括紅鑽、阿爾克馬爾、飛燕諾、烏德勒支、洛辛堡、華拉倫加同薩拉戈薩，邊個話半一盤唔應該買上盤㗎，查實咪又係好似去賭場咁，啲企喺你身邊嘅叠碼仔不斷𠱁你落注嘅伎倆啫！
周中博森林「大」
說回周中貼士，照例唔提供歐冠盃，首選森林入球「大」，傷咗兩個正選後衞，對住鋒力唔錯嘅奧咸，鬥攻格；再串埋作客讓昆士柏流浪平半嘅伯明翰，希望貼士3連勝！
文：蘋果波神