吳鎮宇、張兆輝及內地新演員楊芷菲，昨日到九龍灣出席電影《衣櫃驚魂》開鏡儀式。提到吳鎮宇早前被拍得與陳雅倫親吻的短片被放上網，他表示短片是濃縮後的版本，他說：「大家𠵱家睇完段片，就知道之前文字報道所講嘅嘢根本配合唔到，文字所講嘅嘢都冇出現過。」
冇炒大鑊
鎮宇又指太太都有看過該片段，其間他也在旁解話，又透露太太沒有生氣，他續說：「太太叫我下次唔好有咁多影像俾人影到，佢只係介意人哋亂咁寫佢，我哋冇為呢件事炒大鑊，佢嘅反應比你哋想像中輕微，事後佢都同我去威尼斯啦。」
鎮宇又希望報道該事件的記者，再將訪問其太太的片段放上網，他說：「我太太最有微言嘅係嗰日個記者衝入嚟，問佢啲好奇怪嘅問題，佢答完個記者後又冇如實報道，個問題就好似佢問我老婆有冇生眼挑針，我老婆答完冇之後，個記者就講咗句『咁你即係割咗啦』，跟住就走咗啦。」
不過當記者要求鎮宇對親熱片段作解釋時，他卻避而不談。
採訪、攝影：李珮洳