「出街唔係睇車係睇牛！簡直日日係奔牛節！」大嶼山梅窩野牛為患，居民不勝牛群滋擾，怨聲載道。上星期更有居民被牛隻撞傷，牛群在區內游走遺下遍地牛糞亦影響環境衞生。梅窩居民曾向區議員及漁農自然護理署求助，惜居民與區內保育人士意見分歧，問題尚未獲得解決。居民擔心牛群狂性大發時會威脅到自身安全。 記者：吳國威 張珮琪
現年19歲的馮小姐為梅窩大地塘村居民，9月3日晚上與母親、阿姨及表弟在區內踩單車時，突然迎面有兩頭牛高速向他們衝來，眾人爭相閃避，馮母閃避不及，一頭牛與她擦身而過，單車被毀，馮母擦傷。
馮小姐事後仍心有餘悸：「當時真係好突然好驚，夜晚黑乜都睇唔到，兩隻牛衝到埋嚟面前先見到，我阿媽避都避唔切。」兩頭牛並未因撞傷人而停步，繼續向前狂奔上斜路，跑到300米外的住宅，當時一名菲傭抱着兩歲大男童在家門前散步，嚇得慌忙逃跑走避。
剛巧在附近乘涼的村長王少強與兩名村民見狀，立刻用竹櫈驅趕牛隻，牛隻被嚇退跑入屋與屋間一米闊的窄巷，失去蹤影。
「如有細路實被撞死」
村長王少強怒斥：「啲牛咁樣衝入條窄巷，如果條巷當時有細路或者老人家，實俾啲牛撞死啦。」馮小姐與男童母親曾小姐事後均有報警，警方只着她們致電政府熱線1823求助，而得到的答覆是：「有人（村民）話捉（牛），有人（村內保育人士）又話唔准捉，我哋唔知點做，有關部門會跟進。」但村民並沒有再獲悉有關部門有進一步行動。
在該區一帶流連的黃牛生活相當有規律，每朝早上7時至9時便集結在梅窩銀河花園兒童遊樂場，鄰近有一所護老中心，經常有長者到來公園散步。梅窩大地塘村居民張太表示：「我見過一個揸住枴杖嘅阿伯喺公園見到啲牛，驚到唔知點算，又唔敢行。」居於白銀鄉村的榕姐亦向記者大吐苦水：「呢幾年啲牛踩入我啲田度，食晒啲菜又踩爛晒我啲瓜，搞到我無收成，𠵱家要用竹棚做圍欄唔畀啲牛入嚟。」
圍捕行動受阻不了了之
「初時得7至8隻黃牛，生下一隻又一隻，𠵱家有成13隻。」負責區內清潔工作的食環署職員梁燕娥，同時亦是大地塘村村民，說起牛患相當勞氣，她為了減輕早上清潔工作負擔，晚上下班後會專程去趕走牛群，以減少牛糞。
離島區區議員黃福根表示，兩年前署方曾進行圍捕黃牛行動，但經區內保育人士阻止後，行動便不了了之，離島區議會於6月中時曾與相關部門開會，但得出結論為「人牛共處」。
區內其中一名保育人士SallyBunker表示，其實區內牛患問題並不嚴重，很多人都喜歡看牛。她說：「我不贊成將牛隻宰殺，最佳方法是將牛群帶回山上生活。」她建議居民可將牛糞製成肥料出售及為牛隻做絕育手術。
