官恩娜（Ella）、原子鏸、陳沛嘉及熊黛林昨日到尖沙嘴海港城出席宣傳活動，Ella穿彩藍色短裙騷美腿；清減不少的原子鏸以低胸裝示人；陳沛嘉的大露背裝搶盡鏡頭；新一代性感女神熊黛林則全程包到實，當堂失色。
難約吳卓羲
四人在場示範插花、調酒、餐桌布置及泡茶，不過都是擺甫士拍照，連Ella也直認插花技術不濟。提到樂基兒在乳暈紋身，陳沛嘉笑言有意一試，不過只會紋於其他部位，她說：「我想喺背脊紋蝴蝶，因為自己似蝴蝶囉。」
Ella自爆兩年來每天都吃即食麵，她說：「我成日都一個人食嘢，初初都覺得寂寞，但係𠵱家都慣咗。」問到為何不約緋聞男友吳卓羲撐枱腳，Ella避忌的說：「邊有咁多friend，冇乜點同朋友食飯，大家就唔到時間，第時我就會變咗孤獨老人。但係我唔急搵伴，都係等事業更上一層樓先啦。」
採訪：駱華齡 攝影：仇志德
