雖然話香港出名係文化沙漠，唔少藝術團體仍不遺餘力做推廣，好似康文署同法國著名藝術館龐比度中心就合辦咗個「大師對象－巴黎龐比度中心珍藏展」，今個月30號到12月3號，喺香港藝術館展出51位西方藝術大師作品，包括畢卡索、馬諦斯同埋夏卡爾。
呢類活動當然唔可以冇機構贊助，除咗滙豐銀行外，自然唔少得向來標榜物業擁有濃厚藝術氣息嘅盈大嗰份，聽講住戶可能有得優先睇展覽㖭。
盈大過往都贊助過唔少文藝節目，例如失明男高音AndreaBocelli，女歌手SarahBrightman及LauraFygi等來港演唱；早排《法國五月》開鑼就贊助歌劇《卡門》。不斷搞藝術贊助，對品牌多少有幫助，況且盈大密鑼緊鼓準備推貝沙灣最後一期，高檔次嘅宣傳最適合不過。