周中嚟到歐冠盃分組賽，歐洲賽更加講求級數，強弱兩軍對壘，實在不宜扒冷，始終金錢誘力，強隊唔會係呢啲場合玩嘢。
車路士今季高價買咗舒夫真高，好多人都擔心軍刀年紀有番咁上下，未必打到英超；不過我估，摩連奴引入舒夫真高，主要目的係用嚟博歐冠盃。事關摩連奴上任咁多年，聯賽就攞過，淨係未幫俄羅斯老闆捧過歐冠盃，今屆目標明確。
講真，車路士呢兩場聯賽都唔算好，不過打法就更體現歐洲賽打法，領先一球就控制節奏，你攻我唔入時，又到我打反擊。
雲達不來梅係就係好大名氣，又肯搶攻，都幾吸引球迷㗎；不過睇番佢哋本土賽事場場失波，連對隊唔知咩來歷嘅佩馬遜斯，都可以失1粒，畀你都信唔過啦。立博開出亞洲盤，車路士讓到一球低水，贏波相信冇問題，不過隨時有走盤可能，寧願串個1.4倍單W好過。
拜仁AC齊W
拜仁慕尼黑同對手級數又係有距離，拜仁今季雖然差咗，但係馬卡爾、舒韋恩史廸加呢啲球員，點都喺大賽證明實力；莫斯科斯巴達人腳算唔差，不過經驗輸蝕，唔貪心可以捧埋拜仁W。周三重心，就係AC米蘭W，AC米蘭歐洲賽有保證，希臘球隊一向唔識作客，1.2倍W應該冇問題。
謝利
立博亞洲區首席博彩顧問
電郵：[email protected]