有線電視同禁毒處合作搞一個名為《毒篤笑》嘅新節目，噚日喺有線舉行記者會，主持人張達明請嚟陳淑蘭同羅家英做嘉賓。蘭子話曾經喺內地參與一啲有錢人宴會，在場嘅賓客大部份都係律師等專業人士，估唔到佢哋吸食毒品就好似食自助餐咁，所以蘭子話大家真係要努力做好禁毒宣傳同措施，唔好令毒害繼續為禍。