黃家強早前榮升經理人，噚日佢就帶同旗下新組合Kolor一齊上商台做訪問，家強仲被人改咗個花名，叫做「黃經理」，家強即刻攞好兄弟葉世榮做擋箭牌話：「阿榮勁啲，佢係總裁，俗稱葉總，我只不過係一個小小嘅經理啫！」佢話原來做經理人辛苦過做歌手，因為要兼顧自己嘅事業之餘仲要睇埋隊band，再加上家強新婚冇耐，梗係辛苦啦！