百貨商業僱員總會外務總幹事鄭乃恩表示，對於昨日遭賊光顧的開放式連鎖店，貨品被盜竊可謂防不勝防，尤其是面對一些有組織的賊人，「有啲死角位又睇唔到，如果夥計又少，店舖盜竊嘅情況就會嚴重啲。」他表示，目前有部份店舖除了有制服保安外，亦僱有便衣保安。
有商店接收賊贓
鄭乃恩又稱，雖然政府或有關部門沒有指引，但業界原則上不會買入來歷不明的貨品，「不過呢啲係無本生意，收貨人又可以平啲入貨，有啲人覺得冇問題，不過賊贓可以賣錢，證明市場有咁嘅需求。」
本身是律師的立法會議員涂謹申表示，根據《盜竊罪條例》，任何人明知其所接收的或購買的貨品是贓物，即屬違法，一經定罪可判監14年，「不過如果係唔知情嘅話，當然另作別論，係咪有罪都好睇吓環境證據。」