鄭裕玲（嘟嘟）9月9日生日，昨日《和諧香港地》在將軍澳電視廣播城拜神，一班藝人特別為她補祝生日，嘟嘟即場許願，希望身體健康，她說：「正日冇特別慶祝，都係喺屋企食飯，呂方就送咗紮花畀我，同埋親自下廚，煮咗一餐海鮮餐。」
高興子淇結婚
洪天明對於好友錢嘉樂跟李珊珊有傳分手一事表示全不知情，他說：「我唔知喎！唔係佢哋兩個人親口講我唔會信，就算佢兩個touchwood係分咗手，都等佢兩個自己講，不過有時啲報道寫咗出嚟，搞到人哋兩夫妻或者男女朋友互相唔信任，就唔係幾好。」
洪天明有感而發之後，隨即被問到舊愛徐子淇有傳將嫁入豪門，他說：「呢個可能唔係傳，係真呢？可能真係結婚，結婚好，咪等佢自己講吓囉！」採訪：楊潔雯
攝影：葉君海