廸士尼來港開業，今日足一年。記得隻米奇老鼠未到之時，大家都期望佢能為零售業旅遊業以至香港經濟帶來一股動力，可能期望太高，廸士尼開業之後負面消息頻傳。
華華覺得廸士尼夠唔夠客、有冇錢賺，同市民大眾冇乜關係。佢甚至冇在港上市，連公眾股東都冇。
冇錯，政府係股東，但個樂園賺得幾多？政府夠係機場股東地鐵股東隧道股東，佢哋啲生意做成點又有邊個理？
平情而論，廸士尼創造咗五千個職位，當中好大部份係低技術員工，呢批人係比較難搵工嘅。而廸士尼總裁安明智（圖）出嘅人工都OK，冇刻薄夥計，呢一樣至係市民應該關心嘅。可能，𠵱家失業率低番，所以冇乜人理搵嘢做，只係覺得個樂園細唔夠嘢玩。