係人都話內地銀行股前景好，咁你又有冇用過佢哋嘅服務呢？不如趁佢哋有優惠時幫襯吓，做過佢嘅客仔，自然知佢識唔識做生意。中國建設銀行銅鑼灣廣場支行開業，提供一系列優惠。例如開「有出息」港元支票戶口，年息有3厘同埋價值200元禮品，做港元定期就有高達4.04厘息加價值400元禮品。
查詢詳情：28382384
推廣期：至9月19日，適用於新客戶
提提你：如果想得到「有出息」優惠，戶口要3個月維持5萬元結餘。
林曉峰諗住同老婆講，唔幫屋企個菲傭買保險，點知俾老婆康子妮教訓一輪：「哎呀，千祈唔好唔同菲傭買保險呀，佢有乜損傷，你要孭飛㗎。」不過，想慳又唔係無辦法嘅，道亨保險推出家傭綜合保險優惠，首次投保一年期原價600元，現七折，即係420元；兩年期有八折，現價760元。
查詢詳情：29612266
提提你：每名僱主只可享有首次投保優惠一次。
股市靜咗一排又有番啲生氣，嚟緊仲有好多隻新股排隊上市，若果你仲未有股票戶口，好應該開番個喇！驚證券行唔穩陣，不如去銀行開啦，星展銀行推出預約開立證券戶口優惠，網上遞交預約表格，然後去任何星展分行開證券戶口，可以參加抽獎贏部SonyCyber-shotDSC-T5，若同時登記用星展3G理財，仲可以額外多張50元豐澤禮券。
推廣期：即日至9月30日
詳情： http://hk.dbs.com
提提你：只適用於推廣期前3個月未曾係星展證券戶口嘅客戶。