911災難五周年。當晚，全球金融市場散晒。美國三大股市停市，歐洲狂瀉，油價跌咗13%，得27蚊美金一桶；金價升5%，285美金一盎斯。美元全線下滑。滙豐股價在倫敦跌咗12.5港元，每股75元。
翌日，亞太區股市總共冇咗1.5萬億港元市值，其中香港蒸發2700億。恒生指數重挫924點收9610。美股繼續停。全球大恐慌，大家都好驚會陷入衰退，冇人敢入市。
金融市場嘅變化永遠同常識常理常情開玩笑。五年過去，大家得到嘅教訓係當年買金買油買股票今日都發達。五年過去，大家今日已唔再驚恐怖襲擊，恐襲對金融市場嘅衝擊一次比一次細。
五年前好驚，錯失入市機會。今日人人唔驚，咁你話有乜啓示？應該沽啲貨。