樂基兒早前行騷不慎走光，露出乳暈紋身，她前晚與鈴木仁在銅鑼灣出席芝華士派對，改穿密實黑衣。樂基兒對走光事回應說：「可能嗰晚好緊張，條裙太短喇，當learnalesson啦！」她續說：「你哋成日問我嗰度有冇紋身，𠵱家我自己講一次，係有！不過我唔會再紋，我過咗嗰個period（指愛紋身的階段）。」
鈴木仁無膽追
當樂基兒被問到在敏感部位紋身，會否特別痛時，她即面有難色地說：「關於我身體部份嘅嘢，我唔想講咁多，因為對我朋友（即黎明）唔公平。」現時資訊發達，可怕照片在網上流傳，樂基兒說：「成件事係我自己唔小心，唔關人事，我會自己負責任，你哋傳媒已經寫得我好好，多謝大家！或者我下次戴個nudebra先行騷。」
同場的鈴木仁則大讚樂基兒可愛靚女，但無意追求？他說：「我知佢有男友黎明，我唔夠黎明出名、有錢，我冇勇氣追佢。」
採訪、攝影：梁錦雯